കാത്തിരിപ്പ്
മുരുകന് കാട്ടാക്കട
_ആസുരതാളം തിമര്ക്കുന്നു ഹൃദയത്തില്
ആരോ നിശബ്ദമൊരു നോവായി നിറയുന്നു
നെഞ്ചിലാഴ്ന്നമരുന്നു മുനയുള്ള മൌനങ്ങള്
ആര്ദ്രമൊരു വാക്കിന്റെ വേര്പാട് നുരയുന്നു...
പ്രിയതരം വാക്കിന്റെ വേനല് മഴത്തുള്ളി
ഒടുവിലെത്തുന്നതും നോക്കി പാഴ്സ്മൃതികളില് ,
കാത്തിരിപ്പൊറ്റയ്ക്കു കാതോര്ത്തിരിക്കുന്നു
കാത്തിരിപ്പൊറ്റയ്ക്കു കണ്പാര്ത്തിരിക്കുന്നു
ഞാനുറങ്ങുമ്പൊഴും കാത്തിരിപ്പൊറ്റയ്ക്കു
താഴെയൊരൊറ്റയടിപ്പാതയറ്റത്തു
വീഴും നിഴല്പ്പരപ്പിന്നു കണ്പാര്ക്കുന്നു,
എന്റെ മയക്കത്തില് , എന്റെ സ്വപ്നങ്ങളില്
കാത്തിരിപ്പെന്തൊ തെരഞ്ഞോടിയെത്തുന്നു
ആരെയോ ദൂരത്തു കണ്ടപോലാനന്ദ-
മോദമോടെന്നെവിളിച്ചുണര്ത്തീടുന്നു
മാപ്പിരക്കും മിഴി വീണ്ടുമോടിക്കുന്നു
ഭൂതകാലത്തിന്നുമപ്പുറം വീണ്ടുമൊരു
വാക്കിന്റെ വേനല് മഴത്തുള്ളി വീഴ്വതും
നോറ്റ് കനക്കും കരള്ക്കുടം ചോരാതെ
കാത്തിരിപ്പൊറ്റയ്ക്കു കാതോര്ത്തിരിക്കുന്നു
കാത്തിരിപ്പൊറ്റയ്ക്കു കാതോര്ത്തിരിക്കുന്നു,
കാത്തിരിപ്പൊറ്റയ്ക്കു കണ്പാര്ത്തിരിക്കുന്നു..
മച്ചിലെ വാവല് കലമ്പലില് ഘടികാര-
മൊച്ചയുണ്ടാക്കും നിമിഷ പുഷ്പങ്ങളില്
തെന്നല് തലോടി തുറന്ന പടിവാതിലില്
തെക്ക് നിന്നെത്തുന്ന തീവണ്ടി മൂളലില്
ഞെട്ടിയുണര്ന്നെത്തി നോക്കുന്നു പിന്നെയും
ഒച്ചു പോലുള്വലിഞ്ഞീടുവാനെങ്കിലും
ഒരു പകല് പടിവാതിലോടിയിറങ്ങുമ്പോ-
ളിരവു കറുത്ത ചിരി തൂകിയണയുമ്പോള്
ഇരുവര്ക്കുമിടയിലൊരു സന്ധ്യ പൂത്തുലയുമ്പോള്
ഇലകളനുതാപമോടരുണാശ്രുവേല്ക്കുമ്പോള്
എവിടെയോ മിഴിപാകി ഒരു ശിലാ ശകലമായ്
വാക്കിന്റെ വേനല് മഴത്തുള്ളി വീഴ്വതും
നോറ്റ് കനക്കും കരള്ക്കുടം ചോരാതെ
കാത്തിരിപ്പൊറ്റയ്ക്കു കാതോര്ത്തിരിക്കുന്നു
കാത്തിരിപ്പൊറ്റയ്ക്കു കാതോര്ത്തിരിക്കുന്നു
കാത്തിരിപ്പൊറ്റയ്ക്കു കണ്പാര്ത്തിരിക്കുന്നു
വേദന, വേദന വാരിപ്പുതച്ചു വീണ്ടും എന്റെ
കാത്തിരിപ്പൊറ്റയ്ക്കു കണ്പാര്ത്തിരിക്കുന്നു
കണ്ണീരു പൊടിയുന്ന, വറ്റുന്നതോര്ക്കാതെ
ആര്ദ്രമൊരു വാക്കിന്റെ വേര്പാട് നുരയുന്നു
പ്രിയതരം വാക്കിന്റെ വേനല് മഴത്തുള്ളി-
യൊടുവിലെത്തുന്നതും നോക്കി പാഴ്സ്മൃതികളില്
കാത്തിരിപ്പൊറ്റയ്ക്കു കാതോര്ത്തിരിക്കുന്നു
കാത്തിരിപ്പൊറ്റയ്ക്കു കണ്പാര്ത്തിരിക്കുന്നു...!
കാട്ടക്കട കവിതകളിലേക്ക് മടങ്ങാം.
ആരോ നിശബ്ദമൊരു നോവായി നിറയുന്നു
നെഞ്ചിലാഴ്ന്നമരുന്നു മുനയുള്ള മൌനങ്ങള്
ആര്ദ്രമൊരു വാക്കിന്റെ വേര്പാട് നുരയുന്നു...
പ്രിയതരം വാക്കിന്റെ വേനല് മഴത്തുള്ളി
ഒടുവിലെത്തുന്നതും നോക്കി പാഴ്സ്മൃതികളില് ,
കാത്തിരിപ്പൊറ്റയ്ക്കു കാതോര്ത്തിരിക്കുന്നു
കാത്തിരിപ്പൊറ്റയ്ക്കു കണ്പാര്ത്തിരിക്കുന്നു
ഞാനുറങ്ങുമ്പൊഴും കാത്തിരിപ്പൊറ്റയ്ക്കു
താഴെയൊരൊറ്റയടിപ്പാതയറ്റത്തു
വീഴും നിഴല്പ്പരപ്പിന്നു കണ്പാര്ക്കുന്നു,
എന്റെ മയക്കത്തില് , എന്റെ സ്വപ്നങ്ങളില്
കാത്തിരിപ്പെന്തൊ തെരഞ്ഞോടിയെത്തുന്നു
ആരെയോ ദൂരത്തു കണ്ടപോലാനന്ദ-
മോദമോടെന്നെവിളിച്ചുണര്ത്തീടുന്നു
മാപ്പിരക്കും മിഴി വീണ്ടുമോടിക്കുന്നു
ഭൂതകാലത്തിന്നുമപ്പുറം വീണ്ടുമൊരു
വാക്കിന്റെ വേനല് മഴത്തുള്ളി വീഴ്വതും
നോറ്റ് കനക്കും കരള്ക്കുടം ചോരാതെ
കാത്തിരിപ്പൊറ്റയ്ക്കു കാതോര്ത്തിരിക്കുന്നു
കാത്തിരിപ്പൊറ്റയ്ക്കു കാതോര്ത്തിരിക്കുന്നു,
കാത്തിരിപ്പൊറ്റയ്ക്കു കണ്പാര്ത്തിരിക്കുന്നു..
മച്ചിലെ വാവല് കലമ്പലില് ഘടികാര-
മൊച്ചയുണ്ടാക്കും നിമിഷ പുഷ്പങ്ങളില്
തെന്നല് തലോടി തുറന്ന പടിവാതിലില്
തെക്ക് നിന്നെത്തുന്ന തീവണ്ടി മൂളലില്
ഞെട്ടിയുണര്ന്നെത്തി നോക്കുന്നു പിന്നെയും
ഒച്ചു പോലുള്വലിഞ്ഞീടുവാനെങ്കിലും
ഒരു പകല് പടിവാതിലോടിയിറങ്ങുമ്പോ-
ളിരവു കറുത്ത ചിരി തൂകിയണയുമ്പോള്
ഇരുവര്ക്കുമിടയിലൊരു സന്ധ്യ പൂത്തുലയുമ്പോള്
ഇലകളനുതാപമോടരുണാശ്രുവേല്ക്കുമ്പോള്
എവിടെയോ മിഴിപാകി ഒരു ശിലാ ശകലമായ്
വാക്കിന്റെ വേനല് മഴത്തുള്ളി വീഴ്വതും
നോറ്റ് കനക്കും കരള്ക്കുടം ചോരാതെ
കാത്തിരിപ്പൊറ്റയ്ക്കു കാതോര്ത്തിരിക്കുന്നു
കാത്തിരിപ്പൊറ്റയ്ക്കു കാതോര്ത്തിരിക്കുന്നു
കാത്തിരിപ്പൊറ്റയ്ക്കു കണ്പാര്ത്തിരിക്കുന്നു
വേദന, വേദന വാരിപ്പുതച്ചു വീണ്ടും എന്റെ
കാത്തിരിപ്പൊറ്റയ്ക്കു കണ്പാര്ത്തിരിക്കുന്നു
കണ്ണീരു പൊടിയുന്ന, വറ്റുന്നതോര്ക്കാതെ
ആര്ദ്രമൊരു വാക്കിന്റെ വേര്പാട് നുരയുന്നു
പ്രിയതരം വാക്കിന്റെ വേനല് മഴത്തുള്ളി-
യൊടുവിലെത്തുന്നതും നോക്കി പാഴ്സ്മൃതികളില്
കാത്തിരിപ്പൊറ്റയ്ക്കു കാതോര്ത്തിരിക്കുന്നു
കാത്തിരിപ്പൊറ്റയ്ക്കു കണ്പാര്ത്തിരിക്കുന്നു...!
കാട്ടക്കട കവിതകളിലേക്ക് മടങ്ങാം.